Khud ko padhti hoon....!!

July 3 2020

Khud ko padhti hoon,phir chood deti hoon, Kuch panno ko zindagi ke Main Yuhi Maud deti hoon...

Kuch hadse zindagi mein yun bhi Ho jate Hai ki app unko padna Toh chahte hain Lekin Padh nai patte Hain... Choti si es zindagi mein kisse anek Hai Kuch haseen Hai Toh Kuch baiman. Lekin Essi se Toh zindagi Banti hai, Kuch chaashni mein dube hue kisse toh Kuch khare pani se bhare hue din raat. Waqt yun hi Hume Apne sath liye chalta Hai,. Insaan sochta Kuch hai Toh Hota Kuch Hai, Phir hum ussi ke sath ho Lete Hai jo kismat se connection hua hai ("Zindagi pyar ka geet Hai Esse har dil Ki gana padega".)

Kabhi zindagi ek pal mein guzar jati hai Toh kabhi ek pal nai guzarta, Dhadkane bhaagti Hai, bechani thap thpati Hai or kisi ko sunayi bhi nai deta. Zindagi mein Hume bhut se fainsle Aise bhi lene padte Hai jab Hume pta hota hai ki nuksaan Hamara hi hoga. "wink" ......Yeh koi Purani baat nai Admi Ho Ya Aurat aisi Ghadi se Sab niklte Hai,( janab-e-ali, Zara antarman mein jhankiye toh sahi, Khudse guftgoo kriye Toh sai, Kuch fainsle Aise Apne bhi kiye honge)

"waqt ne kiya Kya haseen sitam"; Hum rahe na hum tum rahe na tum".

Zindagi ki ek baat toh tay (fix) Hai ki Kuch bhi tay (fix) nai hai. Kuch rishte choot jate Hai Toh Kuch naye jud jate Hai, Lekin chutte hue rishte hamesha Yaad ate Hai. Kisi ke chale Jane se zindagi thamti toh nai bus Umar bhar unki Yaadein hamare sath Chalati hai, chahe Phir woh koi bhi Ho, apke Maa Baap, apka Pehla pyar, apke bade, Ya apke rishtedaar.

Kehne ko bhut Kuch reh Jata hai kabhi waqt nai milta toh kabhi waqt sahi nai milta, or dil Ki Baatein bus dil mein hi reh jati hai keunki kabhi woh Kareb nai milta, Toh kabhi Duniya mein nai..... Khair Main apni Kya baat kru, Maine zindagi ka Aisa bhi manjar dekha hai jab Rona bhi jaruri tha or ansuon bhi chupane the.

"Aankh Hai bhari bhari or tum muskurane Ki Baat krte ho" ...

Lekin Phir bhi

Zindagi Muskurane ka naam hai Toh muskruyao, har pal ko Jio, Keunki "Jeena esi ka naam hai".. Ya Phir "es Duniya mein Jeena Ho Toh sunlo Meri baat gum chodke mnayo rangreli.......

Pic References: Pinterest